தஇஆச-வின் மாத இதழ் "இடைநிலை ஆசிரியர் குரல்" படித்துவிட்டீர்களா? ஆண்டு சந்தா ரூ. 100/- மட்டுமே. பணவிடை அனுப்ப வேண்டிய முகவரி: ம. எட்வின் பிரகாஷ், ஆசிரியர் - “இடை நிலை ஆசிரியர் குரல்” கவின் இல்லம், எண்ணெய் கூட்டுறவு சங்கம் அருகில், ஆசாரிபள்ளம் அஞ்சல், கன்னியாகுமரி மாவட்டம். அ. கு. எண் - 629 201.

8.6.12

தொடர் மற்றும் முழுமையான மதிப்பீடு: கட்டகம் - எட்டாம் வகுப்பு ஆங்கிலம்

CCE- Teachers Manual English STD 8

தொடர் மற்றும் முழுமையான மதிப்பீடு: கட்டகம் - ஏழாம் வகுப்பு ஆங்கிலம்

CCE- Teachers Manual English STD 7

தொடர் மற்றும் முழுமையான மதிப்பீடு: கட்டகம் - ஆறாம் வகுப்பு ஆங்கிலம்

CCE- Teachers Manual English STD 6

தொடர் மற்றும் முழுமையான மதிப்பீடு: கட்டகம் - பொது வழிமுறைகள்

CCE General Guidelines - Upper Primary

6-ம் வகுப்பு மாணவர்களுக்கு பள்ளியிலேயே ஜாதிச் சான்றிதழ் வழங்குவது எப்போது?

ஆறாம் வகுப்பு மாணவர்களுக்கு பள்ளியிலேயே ஜாதிச் சான்றிதழ் எப்போது கிடைக்கும் என்கிற தகவலை தமிழக அரசு தெரிவித்துள்ளது.

சட்டப் பேரவையில் விதி எண் 110-ன் கீழ் முதல்வர் ஜெயலலிதா வெளியிட்ட அறிவிப்புகளைச் செயல்படுத்தும் வகையிலான உத்தரவுகளை சம்பந்தப்பட்ட அரசுத் துறைகள் வெளியிட்டு வருகின்றன. அந்த அறிவிப்புகளில் முக்கியமான அறிவிப்பாக கருதப்படுவது, "ஆறாம் வகுப்பு படிக்கும் அனைத்து மாணவர்களுக்கும் (மெட்ரிக் மற்றும் சி.பி.எஸ்.சி. உள்பட) பள்ளியிலேயே ஜாதிச் சான்றிதழ், இருப்பிடச் சான்றிதழ் மற்றும் பெற்றோரின் வருமானச் சான்றிதழ் வழங்கப்படும்' என்பது தான்.

எப்போது கிடைக்கும்?

முதல்வரின் அறிவிப்பைச் செயல்படுத்தும் வகையில் அதற்கான உத்தரவை வருவாய்த் துறை முதன்மைச் செயலாளர் ரமேஷ்ராம் மிஸ்ரா வெளியிட்டுள்ளார்.

அந்த உத்தரவில் கூறப்பட்டுள்ளதாவது:
  • ஒரு சாதாரண தாளிலோ அல்லது ஜாதிச் சான்றிதழ், இருப்பிடச் சான்றிதழ் பெறுவதற்கான விண்ணப்பத்தையோ மாணவர்களிடம் அளித்து அதை நிரப்பித் தரும்படி, சம்பந்தப்பட்ட பள்ளிகளின் தலைமை ஆசிரியர்கள் அறிவுறுத்த வேண்டும். 
  •  விண்ணப்பங்களுடன் உரிய ஆதாரங்களை இணைத்து வட்டாட்சியர்களுக்கு அனுப்பி வைக்க வேண்டும். இந்தப் பணிகளை ஜூன், ஜூலை மற்றும் ஆகஸ்ட் மாதங்களுக்குள் முடிப்பது அவசியம். 
  •  சான்றிதழ்களை வழங்குவதற்கான உரிய ஆய்வுகளை வருவாய்த் துறை அதிகாரிகளும், அலுவலர்களும் மேற்கொள்ள வேண்டும். 
  • செப்டம்பர், அக்டோபர் மற்றும் நவம்பர் மாதங்களுக்குள் இந்தப் பணிகளை வருவாய்த் துறை முடிக்க வேண்டும். 
  • பணிகள் முடிக்கப்பட்டதும் சான்றிதழ்களை சம்பந்தப்பட்ட பள்ளிகளின் தலைமை ஆசிரியர்களிடம் டிசம்பர் மாதத்துக்குள்ளாக அளிக்க வேண்டும். 
  • வட்டாட்சியர்கள் அளித்த சான்றிதழ்களை அடுத்த ஆண்டு (2013) ஜனவரி மாதத்துக்குள் மாணவர்களுக்கு வழங்க வேண்டும் 
என்று தனது உத்தரவில் ரமேஷ்ராம் மிஸ்ரா தெரிவித்துள்ளார்.

.

6.6.12

தமிழக அரசு பென்ஷன்தாரர்கள் குடும்பப் பாதுகாப்பு நிதி உயர்வு - அரசாணை

 தமிழக அரசு பென்ஷன்தாரர்கள் குடும்பப் பாதுகாப்பு நிதி, 25 ஆயிரம் ரூபாயில் இருந்து, 35 ஆயிரம் ரூபாயாக உயர்த்தப்பட்டுள்ளது.

தமிழக அரசிடம் பென்ஷன் பெற்று வரும் பென்ஷன்தாரர்கள் இறந்தால், அவர்கள் குடும்பத்திற்கு, 25 ஆயிரம் ரூபாய் தமிழக அரசு பென்ஷன்தாரர்கள் குடும்பப் பாதுகாப்பு நிதியாக, வழங்கப்பட்டு வருகிறது. இந்த நிதி, 35 ஆயிரம் ரூபாயாக உயர்த்தப்படும் என, சமீபத்திய நிதிநிலை அறிக்கையில் அறிவிக்கப்பட்டது. தொடர்ந்து, தற்போது பென்ஷன்தாரர்கள் குடும்ப பாதுகாப்பு நிதி, 25 ஆயிரம் ரூபாயில் இருந்து, 35 ஆயிரம் ரூபாயாக உயர்த்தப்பட்டு, இதற்கான அரசாணை, இம்மாதம் முதல் தேதி வெளியிடப்பட்டுள்ளது.

அரசாணை வெளியிடப்பட்ட நாள் முதல், இந்த புதிய நிதி அமலுக்கு வருகிறது. இந்த நிதியை பெறுவதற்கான விதிகளில் மாற்றம் ஏதுமில்லை.

அரசாணை எண்: 184 நிதி(பென்சன்)த் துறை நாள்: 01-06-2012
.

3.6.12

சூரியனை மறைக்கும் வெள்ளிக்கிரகம் : ஆசிரியர்களுக்கு சிறப்பு பயிற்சி

வெள்ளிக்கிரகம் சூரியனை, மறைத்துச் செல்லும் நிகழ்வை, ஆசிரியர்களுக்கு விளக்கும் பயிற்சி, மதுரைக் கல்லூரி மேல்நிலைப் பள்ளியில் நாளை (ஜூன் 4) நடக்கிறது. ஜூன் 6ல், காலை 7 முதல் 10.20 மணி வரை, மதுரையில் இந்நிகழ்வை பார்க்கலாம். இதுபோல ஒரு நிகழ்வு, 100 ஆண்டுகளுக்கு பின் நடக்கும். இதை வெறும் கண்ணால் பார்க்கக்கூடாது என அறிவியல் இயக்க செயலாளர் கடசாரி தெரிவித்தார்.

அவர் கூறியதாவது: கறுப்பு அட்டையின் நடுவில் துளையிட்டு, கையளவுள்ள சிறிய கண்ணாடி மீது ஒட்ட வேண்டும். இதை சூரிய ஒளிக்கு நேராக வைத்து, துளையின் வழியாக வரும் ஒளியை, இருட்டான அறையை நோக்கி செலுத்த வேண்டும். அப்போது வட்டத் தட்டில் கடுகு நகர்வது போல, வெள்ளி கிரகம் நகர்வது தெரியும். சிறு பாத்திரத்தில் மணலை நிரப்ப வேண்டும். சிறிய பிளாஸ்டிக் பந்தின் மேல் கறுப்பு அட்டை ஒட்டிய சிறு கண்ணாடியை "டேப்பால்' ஒட்டி, மணல் மேல் வைக்க வேண்டும். அட்டையின் துளையின் வழியாக வெளிச்சத்தை அறையில் செலுத்த வேண்டும். திசைக்கேற்ப பந்தை சற்றே நகர்த்தலாம். பள்ளிகளில் மாணவர்களுக்கு இந்நிகழ்வை கற்றுத் தருவதற்காக, ஆசிரியர்களுக்கு மதியம் 2 முதல் 4 மணி வரை பயிற்சி அளிக்கிறோம். பள்ளி ஆசிரியர்கள் கலந்து கொள்ளலாம், என்றார்.

நன்றி:

 

2.6.12

அரசு பள்ளியில் படிக்கும் மாணவர்களுக்கு புதிய சீருடை இம்மாத இறுதியில் கிடைக்கும்

அரசு பள்ளியில் படிக்கும் மாணவ & மாணவிகளுக்கு புதிதாக அறிமுகப்படுத்தியுள்ள மெரூன் கலர் சீருடை இந்த மாத இறுதிக்குள் வழங்கப்பட உள்ளது.

ஒவ்வொரு ஆண்டும் அரசு மற்றும் அரசு உதவிபெறும் பள்ளிகளில் சத்துணவு திட்டத்தின் கீழ் பயன்பெறும் 1ம் வகுப்பு முதல் 8ம் வகுப்பு வரை பயிலும் மாணவ & மாணவிகளுக்கு இலவச சீருடை வழங்கப்படுகிறது. கடந்த ஆண்டு மாணவர்களுக்கு காக்கி கலர் அரைக்கால் சட்டை, வெள்ளை சட்டை, மாணவிகளுக்கு நீல நிற பாவாடை, நீல நிற தாவணி, வெள்ளை சட்டை வழங்கப்பட்டது.

இந்த ஆண்டு மாணவ, மாணவிகளுக்கு வழங்கப்பட உள்ள இலவச சீருடையின் நிறம் மாற்றி அமைக்கப்பட்டுள்ளது. அதன்படி மாணவர்களுக்கு மெரூன் கலர் பேன்ட், வெளிர் பிரவுன் நிற மேல் சட்டையும், மாணவிகளுக்கு மெரூன் நிற சல்வார் கமீசும், வெளிர் பிரவுன் நிற துப்பட்டாவும் வழங்கப்பட உள்ளது. இந்த கல்வி ஆண்டில் 48.63 லட்சம் மாணவ & மாணவிகளுக்கு 4 செட் இலவச சீருடை வழங்க 329.89 கோடி நிதி ஒதுக்கீடு செய்யப்பட்டுள்ளது.


தமிழகம் முழுவதும் நேற்று முதல் அரசு பள்ளிகள் திறக்கப்பட்டன. கடந்த ஆண்டு வழங்கப்பட்ட சீருடைகளையே மாணவ & மாணவிகள் அணிந்து வந்தனர். புதிதாக அறிமுகப்படுத்தப்பட உள்ள மெரூன் கலர் சீருடைகள் நேற்று வரை பள்ளிகளுக்கு வந்து சேரவில்லை.


இதுகுறித்து, பள்ளி கல்வித்துறை அமைச்சரக உயர் அதிகாரி ஒருவர் கூறுகையில், புதிய கலர் சீருடைகள் சமூகநலத்துறை மூலம் தைக்கப்பட்டு வருகிறது. இன்னும் ஒரு சில வாரங்களில் அந்த பணிகள் முடிவடையும். புதுக் கோட்டை தேர்தல் பணியில் அமைச்சர்கள் ஈடுபட்டுள்ளனர். ஜூன் 15ம் தேதிக்கு பிறகுதான் அரசு பள்ளி மாணவ & மாணவிகளுக்கு இலவச சீருடைகள் வழங்கும் பணி குறித்து முடிவு செய்யப்படும். இந்த மாத இறுதிக்குள் ஒன்று அல்லது இரண்டு செட் சீருடை கிடைக்க நடவடிக்கை எடுக்கப்படும், என்றார்.

பெற்றோர் கூறுகையில், தனியார் பள்ளிகள் போன்று கோடை விடுமுறை நாட்களிலேயே அரசு பள்ளி மாணவ & மாணவிகளுக்கு இலவச சீருடைகள் வழங்கும் நடைமுறையை கல்வித்துறை அதிகாரிகள் பின்பற்ற வேண்டும். அப்போதுதான் தனியார் பள்ளிக்கு இணையாக அரசு பள்ளிகளும் உள்ளது என்று பெயர் எடுக்க முடியும். பள்ளி திறக்கும் முதல் நாளில் புதிய சீருடைகளை அணிந்து மாணவ & மாணவிகள் ஆர்வமுடன் பள்ளிக்கு வருவார்கள், என்றனர்.

நன்றி:

 

பிரபலமான இடுகைகள்

தமிழ்நாடு இடைநிலை ஆசிரியர் சங்கம்