தஇஆச-வின் மாத இதழ் "இடைநிலை ஆசிரியர் குரல்" படித்துவிட்டீர்களா? ஆண்டு சந்தா ரூ. 100/- மட்டுமே. பணவிடை அனுப்ப வேண்டிய முகவரி: ம. எட்வின் பிரகாஷ், ஆசிரியர் - “இடை நிலை ஆசிரியர் குரல்” கவின் இல்லம், எண்ணெய் கூட்டுறவு சங்கம் அருகில், ஆசாரிபள்ளம் அஞ்சல், கன்னியாகுமரி மாவட்டம். அ. கு. எண் - 629 201.

ஓய்வூதியம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ஓய்வூதியம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

7.10.12

ஓய்வூதிய திட்டத்தில் அன்னிய முதலீடு அதிகரிப்பு: மக்களை ஏமாற்றும் நடவடிக்கை என ஜெ., பாய்ச்சல்

"காப்பீடு, ஓய்வூதியத் திட்டத்தில் அன்னிய முதலீட்டை அதிகரிப்பது, மக்களை ஏமாற்றும் நடவடிக்கை' என்று, பிரதமர் மன்மோகன் சிங்கிற்கு எழுதியுள்ள கடிதத்தில், முதல்வர் ஜெயலலிதா குறிப்பிட்டுள்ளார்.

இதுகுறித்து, முதல்வர் எழுதியுள்ள கடித விவரம்:
பொதுமக்கள், சிறு வியாபாரிகள் மற்றும் சிறு விவசாயிகளின் வேதனைகளைப் பற்றி, ஐக்கிய முற்போக்கு கூட்டணி அரசு, கவலைப்படாமல் உள்ளது. தேர்தல் நெருங்கி வருவதால், ஐக்கிய முற்போக்கு கூட்டணி அரசின் மீது, வெளியாகி வரும், மிகப்பெரிய ஊழல் குற்றச்சாட்டுக்களை, மக்கள் மறக்க வேண்டும் என்பதற்காக, நேரடி அன்னிய முதலீடு விவகாரம் கையில் எடுக்கப்பட்டுள்ளது. காப்பீட்டுத் துறையில், நேரடி அன்னிய முதலீட்டை, 26லிருந்து, 49 சதவீதமாக உயர்த்தவும், ஓய்வூதியத் திட்டத்தில், அன்னிய முதலீட்டுத் திட்டத்திற்கு, 26 சதவீதம் வரையில் இடம் அளிக்கவும், மத்திய அமைச்சரவை ஒப்புதல் வழங்கியுள்ளது.

இது தெடர்பாக, ஓய்வூதிய நிதி ஒழுங்குமுறை மற்றும் மேம்பாட்டு ஆணைய மசோதா மற்றும் காப்பீட்டுத் திட்ட மசோதா ஆகியவற்றை, பார்லிமென்ட்டின், இரண்டு அவைகளிலும் நிறைவேற்ற வேண்டும். ஆனால், நிறைவேற்றத் தேவையான அளவிற்கு, எம்.பி.,க்கள், ஐக்கிய முற்போக்கு கூட்டணிக்கு இல்லை.காப்பீட்டுத் துறையில், ஏற்கனவே, 26 சதவீத அன்னிய முதலீடு அனுமதிக்கப்பட்டிருந்தாலும், குறிப்பிடத்தக்க எந்த முதலீடும் இதுவரை வரவில்லை.காப்பீட்டு நிறுவனங்கள், 50 கோடி ரூபாய் முதலீட்டைக் கொண்டிருந்தால் போதுமானது என்று கூறப்பட்டுள்ள விதியானது, இந்த துறையில் அனுபவமும், ஆற்றலும் இல்லாத, சிறு சிறு நிறுவனங்களை, காளான்களைப் போல முளைக்கச் செய்யும்; இது மிகவும் அபாயகரமானது.

இது, மக்களின் எதிர்காலத்தை பாதித்துவிடும். அதே நேரத்தில், எல்.ஐ.சி., போன்ற பொதுத்துறை காப்பீட்டு நிறுவனங்களின் வளர்ச்சி பாதிக்கப்படும். இதன் மூலம், நாட்டின் வளர்ச்சியும் குறையும்.மத்திய அரசின் இந்த நடவடிக்கை மிகவும் வணிகத் தந்திரம் மிக்கது; மோசமானது என்பதுடன் அவசியமும் இல்லாதது. மோசமான நடவடிக்கைகளை, சீர்திருத்தம் என்ற அடிப்படையில் நடைமுறைப்படுத்த நினைப்பது, மக்களை ஏமாற்றுவதாகும். பொதுமக்களின் எதிர்காலத்திற்கு,பேராபத்து விளைவிக்கும் இந்த நடவடிக்கைகளை, நான் வன்மையாக எதிர்க்கிறேன்.

இவ்வாறு கடிதத்தில் குறிப்பிட்டுள்ளார்.

நன்றி:

15.6.12

ஓய்வூதியதாரர்களுக்கு நேர்காணல் கட்டாயம் கிடையாது; சான்றிதழ் அளித்தால் போதும்: முதன்மைச் செயலர்

"வயது முதிர்ந்தோர் மற்றும் நோயாளிகள், கருவூலக அலுவலகத்துக்கு வந்து நேர்காணலில் பங்கேற்க வேண்டும் என்பது கட்டாயம் இல்லை. இவர்கள் தாங்கள் உயிருடன் இருப்பதற்கான சான்றிதழை பெற்று, கருவூலக அலுவலகத்தில் ஒப்படைத்தால் போதுமானது'' என, நிதித்துறை முதன்மைச் செயலர் சண்முகம் தெரிவித்தார்.

கோவை கலெக்டர் அலுவலகத்தில் உள்ள, மாவட்ட கருவூலக அலுவலகத்தில், தமிழக அரசின் நிதித்துறை முதன்மைச் செயலர் சண்முகம், நேற்று, ஆய்வு மேற்கொண்டார். தானியங்கி கருவூலக முறையில், பட்டியல் ஏற்பளிப்பு செய்தல் (ஏ.டி.பி.பி.எஸ்.,) தொடர்பாக, தொழில்நுட்ப நடவடிக்கைகள் குறித்து, அதிகாரிகளிடம் அவர் விசாரித்தார்.

கருவூலகத்தில் பணம் எடுக்க வரும் அலுவலர்களிடம், பட்டியல் பெறுவது, வங்கிக் கணக்குகளில் பணம் பரிமாற்றம் செய்தல் உள்ளிட்ட பணிகள் கம்ப்யூட்டர் மயமாக்குதல், மின்-கருவூலக நடைமுறைகள் மற்றும் தகவல் வலையமைப்பு முறைகள், எந்தெந்த பிரிவுகளுக்கு வலையமைப்பின் இணைப்பு முனைகள் வழங்கப்பட்டுள்ளன என்பன குறித்து, துறை அலுவலர்களிடம் கேட்டறிந்தார்.

பின்னர், முதன்மைச் செயலர் சண்முகம், நிருபர்களிடம் கூறியதாவது: தமிழகம் முழுவதும், தானியங்கி முறையில் கருவூலக பட்டியல் ஏற்பளிப்பு முறை, செயல்படுத்தப்பட்டு வருகிறது. கோவை கருவூலக அலுவலகத்தில் இத்திட்ட செயல்பாடுகள் குறித்து, ஆய்வு மேற்கொள்ளப்பட்டன. ஓராண்டு காலத்துக்குள், மாநிலம் முழுவதும், முழுவீச்சில் அமல்படுத்தப்படும். இதன்படி, மாநிலம் முழுவதும் ஒருங்கிணைந்த நிதி மேலாண்மை திட்டத்தை மேற்கொள்ள முடியும். கருவூலக அலுவலகங்களின் அனைத்து பணிகளும், மின்-கருவூலக முறையில், காகித பயன்பாடு இல்லாத வகையில், "ஆன்லைன்' முறையில் கொண்டுவரப்படும்.

தமிழகம் முழுவதும் உள்ள, லட்சக்கணக்கான ஓய்வூதியதாரர்களுக்கு வங்கிகள் வாயிலாக, இ.சி.எஸ்., முறையில் ஓய்வூதியம் வழங்கப்படுகிறது. இவர்கள் உயிருடன் இருப்பதை உறுதி செய்ய, ஆண்டுக்கு ஒருமுறை, கருவூலக அலுவலகத்துக்கு, நேர்காணலுக்கு வர வேண்டியுள்ளது. இதனால், பல்வேறு சிரமங்கள் இருப்பதாக தெரியவந்துள்ளது. வயது முதிர்ந்தோர் மற்றும் நோயாளிகள், கருவூலக அலுவலகத்துக்கு வந்து, நேர்காணலில் பங்கேற்க வேண்டும் என்பது கட்டாயம் இல்லை. இவர்கள், தாங்கள் உயிருடன் இருப்பதற்கான சான்றிதழை பெற்று, கருவூலக அலுவலகத்தில் ஒப்படைத்தால் போதுமானது. ஒய்வூதியதாரர்களுக்கு, "பயோட்மெட்ரிக்' முறையில், ஓய்வூதியம் வழங்கும் முறை, விரைவில் அமல்படுத்தப்படும். அப்போது, இதுபோன்ற சிரமங்களை தவிர்க்க முடியும்.

இவ்வாறு, அவர் தெரிவித்தார்.

ஆய்வின்போது, மாவட்ட கருவூலக அலுவலர் பூங்கோதை, உதவி கருவூலக அலுவலர்கள் நாகராஜன், சேதுராமன், பாஸ்கரன், சாமிநாதன் உள்ளிட்டோர் உடன் இருந்தனர்.
 
நன்றி:


6.6.12

தமிழக அரசு பென்ஷன்தாரர்கள் குடும்பப் பாதுகாப்பு நிதி உயர்வு - அரசாணை

 தமிழக அரசு பென்ஷன்தாரர்கள் குடும்பப் பாதுகாப்பு நிதி, 25 ஆயிரம் ரூபாயில் இருந்து, 35 ஆயிரம் ரூபாயாக உயர்த்தப்பட்டுள்ளது.

தமிழக அரசிடம் பென்ஷன் பெற்று வரும் பென்ஷன்தாரர்கள் இறந்தால், அவர்கள் குடும்பத்திற்கு, 25 ஆயிரம் ரூபாய் தமிழக அரசு பென்ஷன்தாரர்கள் குடும்பப் பாதுகாப்பு நிதியாக, வழங்கப்பட்டு வருகிறது. இந்த நிதி, 35 ஆயிரம் ரூபாயாக உயர்த்தப்படும் என, சமீபத்திய நிதிநிலை அறிக்கையில் அறிவிக்கப்பட்டது. தொடர்ந்து, தற்போது பென்ஷன்தாரர்கள் குடும்ப பாதுகாப்பு நிதி, 25 ஆயிரம் ரூபாயில் இருந்து, 35 ஆயிரம் ரூபாயாக உயர்த்தப்பட்டு, இதற்கான அரசாணை, இம்மாதம் முதல் தேதி வெளியிடப்பட்டுள்ளது.

அரசாணை வெளியிடப்பட்ட நாள் முதல், இந்த புதிய நிதி அமலுக்கு வருகிறது. இந்த நிதியை பெறுவதற்கான விதிகளில் மாற்றம் ஏதுமில்லை.

அரசாணை எண்: 184 நிதி(பென்சன்)த் துறை நாள்: 01-06-2012
.

2.12.11

அரசு ஊழியர்களின் திருமணமாகாத மகள்களுக்கு வாழ்நாள் ஓய்வூதியம்

ஓய்வூதியம் பெறும், அரசு ஊழியர்களின் திருமணமாகாத, விவாகரத்தான, விதவை மகள்களுக்கு, வாழ்நாள் முழுவதும், குடும்ப ஓய்வூதியம் வழங்க உத்தரவிடப்பட்டுள்ளது.

மத்திய அரசு, ஓய்வூதியதாரர்களின், திருமணமாகாத, விதவை, விவாகரத்தான மகளுக்கு, குடும்ப ஓய்வூதியம் வழங்க உத்தரவிட்டுள்ளது. அதனடிப்படையில், தமிழக அரசின் ஓய்வூதியர்களுக்கும் வழங்க வேண்டுமென, பல்வேறு சங்கங்கள் கோரிக்கை வைத்தன. இதை பரிசீலித்த அரசு, 25 வயதை கடந்த, குடும்ப ஓய்வூதியதாரர்களின் திருமணமாகாத, விதவை, விவாகரத்துப் பெற்ற மகள் ஆகியோருக்கு, குடும்ப ஓய்வூதியம் வழங்க உத்தரவிட்டுள்ளது.

இதற்கான நிபந்தனைகள்:

* ஓய்வூதியதாரர்கள், குடும்ப ஓய்வூதியதாரர்களின், 25 வயதுக்கு மேற்பட்ட திருமணமாகாத மகளும், விதவை மற்றும் விவாகரத்தான மகள்களும், வாழ்நாள் முழுமைக்கும் குடும்ப ஓய்வூதியம் பெற தகுதியுடையவர்கள்.

* ஒரு குடும்பத்தில், 25 வயதுக்கு குறைவான, குடும்ப ஓய்வூதியம் பெற தகுதியுள்ள, குழந்தைகளின் தகுதி காலம் முடிந்த பின்போ, அந்த குடும்பத்தில், வேறு மாற்றுத் திறன் படைத்த குழந்தைகள் இல்லாவிட்டாலோ, 25 வயதுக்கு மேற்பட்ட மகள்கள் பெறலாம்.

* திருமணமோ, மறுமணமோ புரிந்தால், அவர்களின் ஓய்வூதியம் உடனே நிறுத்தப்படும். இதை உறுதி செய்யும் வகையில், ஓய்வூதியதாரர்கள் ஒவ்வொரு ஆண்டும், திருமணம் அல்லது மறுமணம் புரியாமை சான்றிதழை வழங்க வேண்டும்.

* வயது அடிப்படையில் மூத்தவருக்கு முதலில், வாழ்நாள் குடும்ப ஓய்வூதியம் வழங்க வேண்டும். மூத்தவர் மறுமணம் புரிந்தாலோ, இறக்க நேரிட்டால் மட்டுமே, அடுத்த இளைய மகள், குடும்ப ஓய்வூதியம் பெற தகுதி பெறுவார்.

* மாத வருமானம், 2,550 ரூபாய்க்கு மிகாமல் இருந்தால் மட்டுமே, ஓய்வூதியம் பெறலாம். இது தொடர்பான வருமானச் சான்றிதழை ஆண்டுதோறும், ஓய்வூதியம் வழங்கும் அலுவலரிடம் சமர்ப்பிக்க வேண்டும். இந்த உத்தரவு, நவ., 28ம் தேதியிலிருந்து, அமலுக்கு வந்துள்ளது.

.

பிரபலமான இடுகைகள்

தமிழ்நாடு இடைநிலை ஆசிரியர் சங்கம்